ab naya ashiyana muje bulata hai,

babul ka ghar mujse duur karvata hai,

naye rishte zindgi mein judte hi,

purane rishton ko yaad banata hai,

zindgi ki reet kuch aisi hai,

beti apne hi ghar mein pardesi hai,

babul ne itna pyar bhi diya,

fir achanak apne se duur bhi kiya,

kaise mai babul tumhe bhul jayun,

kaise in aansuyoin ko aaj chupaun,

pyar ka woh ek-ek lamha,

woh mera baat-2 per ruth jana,

woh tumhara nayi gudiya dilaker muje manana,

aur aaj achanak se mera bade ho jana,

kaise dil ko apne samjhaun,

kaise mai tumse duur chali jaun,

jaanti hun in sawalon ka koi jawab nhi,
zindgi ka sach hai yehi,

ki naya ashiyana muje bula raha hai,

mera apna ghar mujse duur karva rha hai..