tum itni duur ho,
fir bhi lagte bahut pass ho,
bina mile bhi najane kyun,
lagte bahut khas ho,
tumhare mere rishte mein kuch aisi baat hai,
jo tumhare bina tanha mera har din, har raat hai,
tumse bicharne ka darr bhi rehta hai,
lekin ek din to tum miloge,
dil yeh bhi kehta hai,
dil mein chupi ek aisi ankahee si chahat hai,
behti hawayoin ki dhun mein tumhare aane ki aahat hai,
maanga hai tumhe har dua mein apne rab se,
chalti rehti hai meri kalam tumhari yaad mein najane kab se,
agar na mili humari taal se taal,
to yeh panne bhi karenge ek din mujse sawaal,
un sawalon ke honge nhi koi jawab,
par mere pass mehfuz rahenge yeh panne,yeh khwab.....